Ish-presidenti francez, Nicolas Sarkozy është dënuar përfundimisht për financim të paligjshëm të fushatës zgjedhore, pasi gjykata më e lartë e Francës hodhi poshtë apelin e tij të fundit lidhur me përpjekjen për t’u rizgjedhur në vitin 2012, raporton Guardian.
Sarkozy, i cili drejtoi vendin nga viti 2007 deri në vitin 2012 si president i krahut të djathtë, u shpall fajtor për fshehje të shpenzimeve të paligjshme të fushatës së tij të pasuksesshme për rizgjedhje.
Çështja u bë e njohur si rasti “Bygmalion”, sipas emrit të kompanisë së eventeve që organizoi spektaklet e mëdha të Sarkozisë në stadiume, të shoqëruara me koreografi të punuara dhe filmime profesionale, përpara mijëra mbështetësve që valëvitnin flamuj
Sipas prokurorëve, ai lejoi që shpenzimet të rriteshin shumë përtej kufirit ligjor për një fushatë presidenciale.
Shpenzimet e fushatës arritën të paktën 42.8 milionë euro, pothuajse dyfishin e limitit ligjor, sipas prokurorisë.
Sarkozy mohoi të gjitha akuzat dhe nisi një proces të gjatë apelimi që zgjati disa vite. Tani, Gjykata më e lartë e Francës, Cour de Cassation, e cila merret me interpretimin dhe zbatimin korrekt të ligjit dhe jo me rishikimin e fakteve, ka konfirmuar vendimin e mëparshëm, duke e bërë dënimin e tij të plotfuqishëm.
