Ish-presidenti francez, Nicolas Sarkozy do të lirohet nga burgu dhe do të vihet nën mbikëqyrje gjyqësore, vendosi të hënën një gjykatë apeli në Paris, më pak se tre javë pasi ai filloi të vuante një dënim pesëvjeçar për një skemë për të financuar fushatën e tij zgjedhore të vitit 2007 me fonde nga Libia.
Sarkozy, 70 vjeç, pritej të largohej nga burgu La Santé i Parisit në pasdite.
Atij do t’i ndalohet të largohet nga territori francez dhe të jetë në kontakt me njerëz kyç, përfshirë të bashkëpandehurit dhe dëshmitarët në këtë çështje, tha gjykata.
Një gjyq i apelit pritet të zhvillohet më vonë, ndoshta në pranverë, shkruan AP.
Sarkozi u bë ish-kreu i parë i shtetit francez në kohët moderne që u dërgua pas hekurave pas dënimit të tij më 25 shtator. Ai mohon çdo shkelje. Ai u burgos më 21 tetor në pritje të apelit, por menjëherë kërkoi lirim të parakohshëm.
