Departamenti amerikan i Thesarit ditëve të fundit e ka përditësuar listën e të sanksionuarve, ku ka shtuar shumë biznesmenë dhe kompani edhe nga Ballkani Perëndimor, kryesisht nga Serbia e Maqedonia.
Së fundmi është sanksionuar edhe kompania serbe MCI Trading DOO, me seli në Beograd, për shkak se ka ndihmuar kompaninë ruse AK Microtech në blerjen e teknologjisë së lartë.
Ekonomisti, Safet Gërxhaliu thotë se këto veprime të thesarit amerikan do të ndikojnë në pavarësimin e bizneseve të Ballkanit nga bizneset ruse.
Kryetari i Odës Ekonomike të Kosovës, Lulzim Rafuna, thotë se ndonëse në Kosovë për momentin nuk ka ndonjë kompani të sanksionuar nga thesari amerikan, ato duhet të tregohen të kujdesshme.
Në mesin e të sanksionuarve, SHBA ka shtuar edhe shefin e inteligjencës serbe, Aleksandar Vulin.
