Mesfushori Jadon Sancho ka arritur marrëveshje në parim me Juventusin dhe po pret që ekipi italian ta bind Manchester Unitedin në shitjen e tij.
Në të vërtetë, Juventusi është në negociata me Unitedin dhe marrëveshja mes klubeve pritet të arrihet gjatë javës së ardhshme.
Sancho ka pranuar kalimin në Torino, pasi është pajtuar me ofertën e skuadrës së Juventusit.
Mesfushori anglez është pajtuar me kontratë katërvjeçare me pagë vjetore prej 5 milionë eurosh, por Unitedi për kartonin e tij po kërkon 25 milionë euro derisa Juventusi ka ofruar 15 milionë euro plus bonuse.
Sancho sezonin e shkuar ishte i huazuar te Chelsea, por ekipi nga Londra nuk e shfrytëzoi opsionin e blerjes së tij duke e kthyer mesfushorin në “Old Trafford”.
