E ftuar në emisionin “Ditari” në Tëvë1 ajo tha se vazhdimisht ka diskutime brenda Këshillit Grevist të SBASHK-ut, për të arritur te një marrëveshe për ndaljen e grevës.
Salihu theksoi se kërkesa e tyre ka të bëjë për shumën mbi 50 euro deri 100 euro.
“Neve nuk jemi ndalur te 100 eurot, jemi duke dashtë diskutim mbi 50 euro dhe ndoshta nën 100 euro, por do të thotë në tavolinën e diskutimeve të arrihet nje marrëveshje”, deklaroi ajo.
Ajo shtoi se propozimi i Qeverisë për 50 euro shtesë nuk e plotëson mirëqenien e punëtorëve të arsimit.
“Kërkesa jonë nuk është vetëm për 100 euro të mirremi vesh, por është deri në realizimin e edhe kërkesave të tjera siç është skema pensionale që njerëzit dtth për një muaj ose dy muaj për shkak të 15 vjetëve që nuk i arrijnë deri në vitin 1999, shkon me një pension prej 90 eurove, nuk e merr pensionin e dinjitetshëm. Gjithashtu edhe për sigurimet shëndetësore dhe kjo kërkesë e jona është për arsye derisa të implementohet ose të ekzekutohet ligji i pagave. Pakoja prej 50 eurove nuk e plotëson mirëqenien e punëtorëve të arsimit, por edhe në këtë rast të punëtorëve të tjerë se vetëm arsimi nuk është në grevë por është edhe sektori i administratës”, tha ajo.
Ndryshe sot përmes njoftimit, është bërë e ditur se Avokati i Popullit u është drejtuar palëve, Qeverisë dhe SBASHK-ut, me një draft marrëveshje për një zgjidhje të mundshme./teve1,info,/
