Liverpooli ka njoftuar se Mohamed Salah ka nënshkruar kontratë të re që do ta mbajë atë me klubin deri në vitin 2027.
Sulmuesi, i cili po shijon një tjetër sezon të suksesshëm me “Reds”, ka vendosur të ardhmen e tij duke vënë stilolapsin në letër mbi marrëveshjen.
Deri më tani këtë sezon, Salah ka shënuar 32 gola në vetëm 45 paraqitje në të gjitha garat – 27 prej të cilave kanë ardhur në Premier League, duke e bërë atë golashënuesin kryesor të ligë
“Sigurisht që jam shumë i emocionuar. Ne kemi një ekip të mrekullueshëm tani. Edhe më parë kishim një ekip të mrekullueshëm. Por kam nënshkruar sepse mendoj se kemi një shans për të fituar trofe të tjerë dhe për të shijuar futbollin tim. Është e mrekullueshme, kam kaluar vitet e mia më të mira këtu. Kam luajtur tetë vjet, shpresoj se do të jenë 10. Duke shijuar jetën time këtu, duke shijuar futbollin tim. Kam pasur vitet më të mira në karrierën time. Unë do të doja t’u them tifozëve, jam shumë, shumë i lumtur që jam këtu. Kam nënshkruar këtu sepse besoj se mund të fitojmë shumë trofe të mëdhenj së bashku. Vazhdoni të na mbështesni dhe ne do të japim më të mirën tonë, dhe shpresojmë që në të ardhmen do të fitojmë më shumë trofe”, ka thënë Salah për faqen zyrtare të Liverpoolit.
Salah e ka çimentuar veten si një legjendë e Liverpoolit që nga transferimi i tij nga AS Roma në verën e vitit 2017.
