Deputeti i Lidhjes Demokratike të Kosovës, Ermal Sadiku ka thënë se qëndrimi i kësaj partie politike për zgjedhjen e presidentit është një kandidat konsensual ose një marrëveshje klasike politike.
Ai ka thënë se kjo parti do të propozonte një emër për president, nëse arrihet një marrëveshje
Sa i përket mundësisë së dytë të cilën e ka përmendur edhe kreu i LDK-së, Lumir Abdixhiku ai ka thënë se se përderisa ka bisedime mund të gjendet një zgjidhje.
“Liderët e partive politike duhet të ulën dhe të bëjnë një negocim, si do t’i vazhdojnë punët në vitet në vazhdim. Mendoj që zgjidhja gjendet, ashtu siç ka ndodhur më herët. Kjo mund të ketë ndarje të qeverisë, marrëveshje për emrin e presidentit që ai të vije nga partia tjetër. LDK është uniformë ka qenë konsistete dhe do të jetë. Në qoftë se gjendet rruga e duhur, normal qe do të kemi emër. Për LDK-në, problemi më i vogël është emri”, tha ai në emisionin “InfoNata” në Tëvë1.
Sipas tij, LVV e ka në dorë nëse do të shkohet në zgjedhje apo do të ketë një zgjidhje.
Edhe nga PDK janë deklaruar se janë të gatshëm të propozojnë kandidatin për president.
Përveç, presidentes aktuale Vjosa Osmani qa ka shprehur synime edhe për një mandat, të enjten kandidaturën e ka shpallur edhe ish-deputeti i PDK-së, Arsim Bajrami.
