Në një lidhje direkte në Tëvë 1, Sadiku shpreson se pas këtij veprimi do të gjindet një zgjidhje, pasi siç thotë ai, janë lodhur nga sirenat dhe barrikadat.
“Jeta këtu në komunë ku jetojmë dhe veprojmë në 5 km katror jemi lodhur nga telashet, nga sirenat nga barrikadat. Edhe ky gjesti i fundit shpresoj se do të mbetet tek politika dhe do të gjindet zgjidhje. Sot është e shtune, nesër e diel dhe shpresoj se këto janë vetëm shenja se jemi afër zgjidhjes përfundimtare, pasi kjo shpresoj është edhe një refleks i punës që kanë bërë emisarët një kohë të gjatë dhe ishte shenjë e mirë tek kufiri qe është arritur marrëveshja”, tha ai.
Ai pret që të hënën, shërbyesit civil të kësaj komune t’i kthehen normalitetit.
“Qysh do që të jetë, shpresoj se do të mësojmë edhe me këto veprime politike. Politika njeh këso bojkote, mirëpo më brengos fakti që janë të involvuar edhe organet të cilat realisht ishin dashur të jenë të pavarura. Këtu mendoj tek gjyqësori, tek policia. Shpresoj që të hënën shërbyesit civil do t’i kthehen jetës normale dhe do të jenë në shërbim të qytetarëve”, shtoi ai. /Teve1.info/
