Gazetari Naim Sadiku ka vlerësuar se ftesa e mandatarit për kryeministër, Glauk Konjufca për kryetarin e Aleancës për Ardhmërinë e Kosovës, Ramush Haradinaj nuk ka qenë serioze.
Ai ka thënë se në situatën që ndodhet vendi kjo ftesë, e cila u refuzua nga Haradinaj do duhej të ishte më konkrete për mënyrën e bashkëpunimit.
“Ftesa e tij duke pak sa jo serioze, sepse nëse Kosova është në një gjendje të vështirë, në një valë të rreziqesh që mund të hyjë, buxheti, por edhe funksionimin e shumë sektorëve, do duhej të kishte diçka më konkrete, jo vetëm një ftesë për kafe. Cila është forma apo mënyra e bashkëpunimit me AAK-në”, ka thënë Sadiku në emisionin “InfoNata” në Tëvë1.
Sadiku ka thënë se sikur kjo ftesë do të ishte më konkrete, ndoshta edhe Haradinaj do të reflektonte.
“Haradinaj në takim u dok refuzues, por nuk ishte në 100% refuzues, sepse tha që nuk pati propozim serioz. Po të kishte, Haradinaj duke e njohur edhe nga praktikat se si ka funksionuar më herët nuk është që i lëshon qëndrimet”, tha ai.
Haradinaj pas mbledhjes së Kryesisë së AAK-së, tha se ka marrë një ftesë “për cafe” nga Konjufca, por ai tha se e ka refuzuar.
