Masat janë të pothuajse të ngjajshme me ato të pandemisë Covid-19.
Por, virusi është i ri. Bëhet fjalë për virusin chikungunya, që është përhapur me të madhe në Kinë.
Ky virus që transmetohet nga mushkonja të infektuara, ka infektuar brenda një kohë të shkurtër më shumë se 7 mijë persona në Kinë.
Disa nga simptomat e tij janë ethe të forta e dhimbje e eshtrave, të cilat mund të zgjasin me muaj apo edhe me vite.
Deri në fund të muajit korrik, edhe në dy vende të Evropës janë raportuar raste të infektimit më këtë virus, në Francë dhe Itali.
Por, sa rrezikohet Kosova nga ky virus?
“Deri më sot, në Kosovë dhe në shtetet e rajonit nuk është raportuar asnjë rast me Chikungunia. Ngrohja globale dhe importimi i vezëve të mushkonjave përmes mjeteve transportuese (makina, goma, mallra) rrisin rrezikun. IKShPK bën monitorimin aktiv të situatës epidemiogjike me sëmundje ngjitëse dhe ecurinë e Virusit chikungunia në vendet e tjera, dhe raportohet në takimet tona të rregullta”, tha Era Pireva – Bislimi, zyrtare për informim në IKSHPK.
Kujdes i shtuar nga institucionet shëndetësore kërkohet për këtë situatë, pasi ekziston mundësia që të hyjë në Kosovë, ndonjë person i infektuar.
“Duhet të kemi një kujdes të madh ekipi shëndetësor, Instituti Kombëtar i Shëndetësisë Publike, duhet të shikoj me kujdes ardhjen eventualisht të qytetarëve nga vendi i Kinës, por edhe nga vendet e tjera. Dhe situata të observohet, të kontrollohet dhe të shikohet eventualisht edhe vendi ynë a mund të ketë këtë sëmundje, pasi që mundësia është që mund të vjen si rast i importuar”, shprehet Hamdi Ramadani – infektolog.
Si virus i zakonshëm, është ky virus në Azinë Jugore, Juglindore dhe në disa pjesë të Afrikës.
