Trazirat e krijuar në veri të Kosovës po ndikojnë edhe në tërheqjen e investitorëve nga vendi. Kjo për shkak së shteti po konsiderohet si një vend me siguri të brishtë. Për këtë ekspertët e ekonomisë thonë se duhet të punohet me shume në imazhin e Kosovës.
Në pjesën veriore e Kosovës, përveç qetësisë së brishtë, herë pas herë ka edhe tensione.
Sulmi terrorist i 24 shtatorit, mbi policinë e Kosovës, është kriza e fundit që është krijuar në atë zonë.
E situatë të brishtë të sigurisë, kishte edhe në maj të këtij viti, kur serbët lokal të komunave veriore, kundërshtuan hyrjen e kryetarëve të rinj shqiptar nëpër komunat përkatëse.
E këto tensione, po ndikojnë edhe në jetën ekonomike të vendit.
Kryetari i Odës Ekonomike të Kosovës, Lulëzim Rafuna thotë se pavarëisht, krizave në veri, kanë punuar që te invesitorët e huaj potencial të përqojnë mesazh të mirë.
“Pritjet e mija janë se pas qetësimit të situatës që me të gjithë mekanizmat të cilët i kemi, si institucionet publike ashtu edhe ato private duke përfshire këtu edhe Oden Ekonomik të Kosovës që ndihmu që ne me kriju një imazh real që jemi një shtetet që krijon kushte për të bërë biznes dhe me sjellë sa më shumë investitorë në Kosovës”, tha kryetari i Odës Ekonomike të Kosovës, Lulzim Rafuna.
Edhe eksperti i ekonomisë, Erton Bega shprehet se pikërisht tensionet që zhvillohen në pjesën veriore të Kosovës, kanë bërë që në vendin tonë të mos ketë investime të fuqishme nga jashtë.
“Situata në veri të Kosovës ka ndikuar vazhdimisht dhe ndikon ende tërheqejne e investitorëve, sepse në një vend ku ka siguri të brishtë ku ka pasiguri për investimet e tyre. Kjo është arsyeja që Kosova nuk investime të huaj të fuqishme ndër vite”, tha eksperti i ekonomisë, Erton Bega.
Vendet që investojnë më së shumti në Kosovë, kryesisht vijnë nga Evropa.
