Një makinë e Formula 1 nuk është thjesht një automjet, por një kombinim teknologjie dhe inxhinierie të nivelit më të lartë. Kostoja e një makine të kompletuar arrin shifrën 14.7 milionë euro – një shifër që e bën F1-në një nga sportet më të shtrenjta në botë.
Motori, i quajtur “Power Unit”, përbën pjesën më të madhe të buxhetit dhe kushton rreth 9.66 milionë euro për sezon.
Ky motor turbo-hibrid është një kryevepër inxhinierie që kombinon efikasitetin me fuqinë maksimale.
Pjesët e tjera të makinës po ashtu kanë kosto të konsiderueshme. Shasia – skeleti i makinës – vlerësohet në 644,000 euro, ndërsa krahu aerodinamik shkon deri në 230,000 euro.
Transmisioni kushton 322,000 euro dhe timonin, i cili është një kompjuter i vogël më vete, e gjen me 46,000 euro.
Mbrojtja e pilotit është prioritet dhe “halo” – struktura e titanit që vendoset rreth kokës së tij – ka një çmim prej 15,640 euro.
Kostoja e karburantit shkon deri në 28,520 euro, ndërsa gomat për një garë arrijnë deri në 35,880 euro.
Për frenimin perfekt, sistemi i frenimit prej karboni kushton 72,000 euro dhe sistemi hidraulik kërkon 156,000 euro.
Përfundimisht, një makinë F1 për sezon shkon deri në 14.7 milionë euro, duke shpjeguar pse skuadrat shpenzojnë miliona për të qenë më të shpejtët në botë.
Katër vjet më parë, u fut një limit buxheti për të frenuar kostot dhe ai u ul në 140.4 milionë dollarë për sezonin aktual.
