Mirëpo, njëra ndër akuzat më të mëdha që i bëhet kryeministrit kosovar, Albin Kurti, është që ai vet nuk është demokrat.
Këto pretendime u shtuan kohëve të fundit edhe nga vetë zyrtarët më të lartë të partisë së tij.
Madje, nga gara e brendshme partiake, u eliminua secili deputetë dhe zyrtarë i lartë që pati qëndrime të ndryshme nga lideri – veçmas rreth projektligjit për kodin civil.
Gjithë këto veprime, njohësi i çështjeve politike, Shemsi Jashari, po i sheh si tendencë të Kurtit që secili mendim i tij të bëhet vendim – pavarësisht se a pajtohen të tjerët me të.
Ndryshe mendon Gazmir Raci.
Thotë se Lëvizja e Kurtit është partia më demokratike në vend.
Për demokracinë brenda partisë, folën edhe zyrtarë të lartë të saj.
Disa u larguan përfundimisht nga Vetëvendosje, e disa dhanë kritika që po persekutohen për shkak të bindjeve të ndryshme me lidershipin.
Paralajmërim për largim nga partia e Kurtit, kohëve të fundit është dhënë edhe për disa deputetë. E për të gjitha këto, kryeministri Kurti, ka zgjedhur që të heshtë.
Kronika e gazetarit Arton Rama.
