Sekretari NATO-s, Mark Rutte ka thënë se siguria e Evropës është e ndërlidhur me situatën në Ukrainë.
Ai ka thënë se të gjithë po punojnë për t’i dhënë fund luftës kundër Ukrainës.
“Të gjithë e pranojmë se siguria jonë është thellësisht e ndërlidhur. Dhe të gjithë po punojmë për t’i dhënë fund luftës kundër Ukrainës me një paqe të drejtë dhe të qëndrueshme. Ne mirëpresim përpjekjet e vazhdueshme të udhëhequra nga Shtetet e Bashkuara për ta bërë këtë realitet. Dhe jam i bindur se këto përpjekje të qëndrueshme do të rikthejnë eventualisht paqen në Evropë”, tha Rutte në një konferencë për media para takimit me ministrat e Jashtëm të vendeve të NATO-s, raporton Tëvë1.
Ai tha se janë duke bërë gjithçka që Ukrainës t’i ofrojnë mbështetjen e nevojshme.
“Në muajt e fundit, Aleatët evropianë dhe kanadezë kanë siguruar miliarda dollarë pajisje thelbësore të prodhimit amerikan për Ukrainën përmes skemave të mbështetjes. Ky mbështet është një pjesë e rëndësishme e përpjekjeve tona të vazhdueshme për t’u siguruar që Ukraina të ketë gjithçka që i nevojitet për t’u mbrojtur sot dhe për të penguar agresionin e ardhshëm. Dhe megjithatë, ka ende më shumë që duhet të bëjmë. Pres që Aleatët të shpallin kontribute të reja në vitet e ardhshme. Pra, është e qartë se kemi një agjendë sfiduese përpara”, tha ai.
