Sekretari i Përgjithshëm i NATO-s, Mark Rutte ka thënë se presin nga Serbia që përgjegjësit për sulmin terrorist në Banjskë të vitit 2023 t’i sjellë para drejtësisë.
Rutte ka thënë se për këtë ka folu me presidentin serb, Vuçiq, i cili siç tha Rutte i ka thënë se do të punojë në këtë drejtim.
“Siç e dini, për pyetjen e dytë, për më shumë se dy vjet, ne kemi vazhduar vazhdimisht të kërkojmë llogaridhënie, që autorët e sulmeve si në Zveçan ashtu edhe në Banjska në vitin 2023 të sillen para drejtësisë. Paraardhësi im ka punuar për këtë me Aleksandër Vuçiç, Presidentin e Serbisë. Unë vetë punova për këtë. Ai më tha se do të punonte për këtë. Ai do të jepte rezultate. Dhe ne vërtet mbështetemi te autoritetet serbe për të luajtur rolin e tyre në këtë drejtim. Kur bëhet fjalë, sigurisht, për dialogun midis Prishtinës dhe Beogradit, ai drejtohet shumë nga BE-ja. Ne e ndjekim këtë nga afër. Dhe sigurisht, NATO është e përfshirë në mënyrë indirekte përmes KFOR-it dhe ne përpiqemi të jemi sa më të dobishëm të jetë e mundur, edhe për këtë, për këtë çështje”, ka thënë Rutte kur është pyetur nga gazetari i Tëvë1, Venhar Isufi, para takimit të ministrave të Jashtëm të vendeve anëtare të NATO-s.
Ai ka thënë janë duke e përcjell dialogun Prishtinë-Beograd dhe se NATO do të ndihmojë në këtë proces.
Në shtator të vitit 2023 grupi terrorist nga Serbia kreu sulm në Banjskë të Zveçanit ku mbeti i vrarë polici i Kosovës, Afrim Bunjaku.
Udhëheqës i këtij grupi ishte ish-nënkryetari i Listës Serbe, Millan Radoiçiq. Ndaj 45 pjesëtarëve të këtij grupi Prokuroria Speciale e Kosovës ka ngritur aktakuzë.
Ndërsa, tre pjesëtarët e këtij grupi të kapur gjatë aksionin nga Policia e Kosovës janë duke u gjykuar.
Kosova ka kërkuar që Radoiçiq dhe pjesëtarët tjerë të dorëzohen nga Serbia.
Kryeministri Albin Kurit ka vë si kusht ekstradimin e Radoiçiqit për vazhdim të dialogut me Serbinë.
