Sekretari i Përgjithshëm i NATO-s, Mark Rutte, ka deklaruar se Aleanca është vazhdimisht e informuar për zhvillimet që lidhen me sigurinë në rajon.
Para takimit me ministrat e Mbrojtjes të vendeve anëtare të NATO-s, Rutte iu përgjigj interesimit të mediave lidhur me situatën në Ballkanin Perëndimor.
Ai bëri të ditur se është në komunikim të rregullt me presidentin e Serbisë dhe kuadër kësaj deklaroi se pret që të ketë llogaridhënie për sulmin terrorist që ndodhi në Banjskë në vitin 2023, si dhe për tensionet e po atij viti në veri.
“Unë por edhe aleanca jemi në kontakt të ngushtë me presidentin serb. Jemi duke pritur për lloogaridhënie për atë që ka ndodhur në Banjskë në vitin 2023 dhe për ngjarjet e tjera më 2023. Ndjekim nga afër ngjarjet dhe përmes KFOR-it dhe aktivitetet e tjera në Ballkanin Perëndimor, si në Bosnjë dhe Kosovë, ne jemi shumë të përfshirë dhe i ndjekim gjërat nga afër”, deklaroi Rutte. /teve1.info/
