Sekretari i Përgjithshëm i NATO-së, Mark Rutte ka vizituar Bosnjë dhe Hercegovinën, ku foli pas një takimi me anëtarët e presidencës së BiH, Zheljka Cvijanoviç, Denis Beqiroviç dhe Zheljko Komshiq.
Ai ka thënë se aleanca mbështet plotësisht integritetin territorial të Bosnjës dhe u ka kërkuar liderëve politikë të zgjidhin tensionet e nxitura pasi gjykata shtetërore dënoi me burg presidentin e rajonit serb të Bosnjës.
Ai ka konfirmuar se NATO do të qëndrojë pranë BiH në rast të një përshkallëzimi.
“Sigurisht që kam shqetësime për situatën e sigurisë, por ky nuk është viti 1992 dhe nuk do të lejojmë vakum sigurie. Komuniteti ndërkombëtar është këtu dhe është i përkushtuar për të vazhduar mbështetjen tonë të fortë, si përmes EUFOR-it dhe NATO-s.
Ai përsëriti qëndrimin se u takon politikanëve në Bosnje dhe Hercegovinë të zgjidhin situatën aktuale, por tregoi se BiH “mund të llogarisë në mbështetjen e plotë të NATO-së.”
