Zëdhënësi i Kremlinit Dmitry Peskov sot ka hedhur poshtë akuzat se Rusia po përdor furnizimet me gaz natyror si një mjet shantazhi.
BE akuzoi sot Rusinë për shantazh, pasi kjo e fundit vendosi të ndërpresë furnizimin me gaz për Poloninë dhe Bullgarinë. Moska tha se kjo ishte për shkak të refuzimit të pagesës në monedhën ruse – rubla.
Peskov nuk tregoi se sa vende kanë rënë dakord të paguajnë gazin në rubla, por tha se Rusia prezantoi rregullin e ri për shkak të sanksioneve nga “vendet jomiqësore”.
Ai tha se nëse konsumatorët e tjerë “refuzojnë të paguajnë sipas sistemit të ri”, atëherë dekreti i presidentit Vladimir Putin, sipas të cilit furnizimi me gaz mund të ndërpritet, “sigurisht që do të zbatohet”, transmeton BBC/kp.
