Rusia është ende e gatshme të angazhohet në dialog me SHBA-në nëse kjo e fundit i përgjigjet në mënyrë konstruktive propozimit të saj për të vazhduar të respektojë kufijtë e traktatit bërthamor New START, i cili është në prag të skadimit, sipas zëdhënësit të Kremlinit, Dmitry Peskov.
“Dëgjoni, nëse ka ndonjë përgjigje konstruktive, sigurisht që do të zhvillojmë një dialog”, u tha ai gazetarëve sipas agjencisë Al Jazeera.
Ai tha gjithashtu se Kremlini shprehu keqardhje për përfundimin e traktatit të fundit që rregullonte arsenalet bërthamore të Rusisë dhe SHBA-së.
“Ne e shohim negativisht,” tha Peskov.
Pakti i fundit i mbetur për armët bërthamore midis Rusisë dhe Shteteve të Bashkuara skadoi të enjten, duke hequr çdo kufizim në dy arsenalet më të mëdha atomike për herë të parë në më shumë se gjysmë shekulli.
Përfundimi i Traktatit të Ri START mund të përgatisë terrenin për atë që shumë njerëz kanë frikë se mund të jetë një garë e pakufizuar e armëve bërthamore.
