Presidenti rus, Vladimir Putin ka shpallur të hënën armëpushim të plotë në Ukrainë mes 8 dhe 10 majit , ndërsa Rusia feston Ditën e Fitores mbi Gjermaninë Naziste.
Armëpushimi do të fillojë në orën 00:00 më 8 maj dhe do të zgjasë deri më 10 maj. Kremlini tha se presidenti rus Vladimir Putin ka urdhëruar ndërprerjen e plotë të armiqësive për “baza humanitare” për Ditën e Fitores më 9 maj, ka raportuar AP.
Kjo vjen pasi presidenti amerikan Donald Trump ka rritur përpjekjet për të ndërmjetësuar një marrëveshje paqeje në Ukrainë.
Deri në atë moment, Putin kishte refuzuar të pranonte një armëpushim të plotë të pakushtëzuar, duke e lidhur atë me ndalimin e furnizimeve perëndimore të armëve për Ukrainën dhe përpjekjet mobilizuese të Ukrainës.
