Rusia pretendon se dy dronë sulmuan mbrëmë ndërtesën e Kremlinit çka ata e konsiderojnë si përpjekje ukrainase për ta vrarë presidentin Vladimir Putin.
Kremlini pretendoi se dy dronë ishin përdorur në sulmin e supozuar, por ata u çaktivizuan nga mbrojtja ruse.
Putin nuk ishte në Kremlin në atë kohë dhe nuk pati dëme materiale në ndërtesa, raportuan agjencitë ruse të lajmeve.
Pamjet e paverifikuara në mediat sociale ruse treguan tym mbi qendrën e Moskës, shkruan BBC.
Ukraina nuk ka komentuar ende mbi akuzat.
Kremlini e quajti incidentin një “akt terrorist të planifikuar” dhe tha se rezervoi të drejtën për t’u përgjigjur kur dhe si e sheh të arsyeshme, njoftoi agjencia e lajmeve RIA.
“Kremlini i ka vlerësuar këto veprime si një akt të planifikuar terrorist dhe një atentat ndaj presidentit në prag të Ditës së Fitores, Paradës së 9 Majit”, tha RIA.
