Rusia ka nisur sulmin më të madh me dron në Ukrainë të shtunën mbrëma, thanë zyrtarët.
Zëdhënësi i Komandës së Forcave Ajrore të Ukrainës, Yuriy Ignat, ka thënë se një “rekord” prej 267 dronësh rusë janë lëshuar në një sulm të vetëm, të koordinuar.
Sulmet vijnë në prag të përvjetorit të tretë të fillimit të pushtimit të plotë të Ukrainës nga Rusia.
Presidenti ukrainas, Volodymyr Zelensky ka thënë se ky ishte sulmi më i madh me dron në vend që kur Rusia filloi të përdorë dronët e prodhuar nga Irani.
Ai ka shtuar se duhet të bëjnë gjithçka që është e mundur për të sjellë një paqe të qëndrueshme dhe të drejtë në Ukrainë.
“Kjo është e arritshme përmes unitetit të të gjithë partnerëve, ne kemi nevojë për forcën e të gjithë Evropës, forcën e Amerikës, forcën e të gjithë atyre që kërkojnë paqe të qëndrueshme”, ka thënë Zelensky.
Nuk është e qartë se sa njerëz kanë vdekur gjatë sulmit me dron të së shtunës, por shifrat fillestare nga shërbimet e urgjencës sugjerojnë se kishte të paktën tre viktima.
Ndërkohë, ministria ruse e mbrojtjes ka thënë të dielën se 20 dronë ukrainas të nisur në Rusi janë shkatërruar gjatë natës./BBC
