Në deklaratën e kësaj ambasade i është bërë thirrje edhe Bashkësisë Ndërkombëtare për një reagim për këtë rast
“Ndalimi i pabazuar i Darija Aslamovës është një provokim tjetër i institucioneve të përkohshme në Kosovë, shembull i shpërfilljes së plotë të Prishtinës ndaj parimeve themelore demokratike, përfshirë lirinë e mediave. Ne i bëjmë thirrje Sekretariatit të OKB-së, UNMIK-ut, Misionit të OSBE-së në Kosovë, Ligjit të BE-së. Misioni i Zbatimit dhe organizatat ndërkombëtare ekspertë të dalin menjëherë me një vlerësim publik të ngjarjes”, thuhet në një deklaratë të ambasadës ruse, shkruajnë mediet ne Serbi.
Darija Aslamovës i është marrë në pyetje nga institucionet e Kosovës të shtunën për tu liruar dhe dëbuar nga vendi si e dyshuar për spiunazh rus.
Ndërsa, të dielën nga ministri i Brendshëm, Xhelal Sveçla, ajo është shpallur person i padëshiruar në Kosovë.
“Si Ministër i Punëve të Brendshme, brenda kompetencave të mia ligjore, bazuar në Ligjin për të Huaj, Nenet 17 dhe 66 A, kam shpallur person të padëshirueshëm në Republikën e Kosovës Daria Asmalovan. Hyrja e këtij personi është e ndaluar për pesë vite në territorin e Republikës së Kosovës. Kushdo që me qëllime apo direktiva të caktuara cënon apo tenton të destabilizojë vendin tonë, do të përballet pa diskutim me forcën e ligjeve të Republikës së Kosovës”, ka shkruar Sveçla në Facebook.
