“Ne kemi konfirmuar se disa njerëz kanë vështirësi për të hyrë në aplikacionin dhe faqen e internetit të Google Neës në Rusi dhe kjo nuk është për shkak të ndonjë problemi teknik nga ana jonë”, ka thënë Google në një deklaratë, raportoi Reuters.
Ky ndalim erdhi pasi që Google tha se nuk do t’i ndihmonte platformat të shesin reklama me përmbajtje të cilat e shfrytëzojnë apo hedhin poshtë luftën në Ukrainë.
Ndërsa në fillim të muajit mars, gjiganti i teknologjisë ka njoftuar se do të ndalojë shitjen e të gjitha reklamave në Rusi.
Të hënë po ashtu një gjykatë ruse ka ndaluar Facebookun dhe Instagramin në këtë vend, ky vendim erdhi pasi kompania e Facebookut, Meta ka thënë në fillim të këtij muaji se do të lehtësonte politikat e saj të gjuhës së urrejtjes për të lejuar përdoruesit në Ukrainë të përdorin shprehje të dhunshme ndaj udhëheqësve dhe ushtarëve rusë.
