Në emisionin “Këndi i Debatit” Rukiqi ka thënë shtetet si Shqipëria, Serbia, Maqedonia e Greqia e kanë në plan që të kufizojnë komplet eksportin e naftës, dhe ta ruajnë për veti.
“Shqipëria e ka ndaluar eksportin e naftës, askush nuk mundet me importu ditët e fundit nga Shqipëria. Kompanitë tona importuese të naftës nuk munden me importu nga Shqipëria, ka ende import nga Serbia dhe Maqedonia shumë i limitum dhe ka ende import nga Gerqia. Të gjitha këto vende nga ne importojnë naftë e kanë këto ditë në plan sidomos nëse e kalojnë linjën e kuqë 140 dollar për barel, të gjitha këto e kanë plane të kufizojnë komplet eksportin e naftës që ta ruajnë për veti”, tha ai.
Sipas tij, në këso situate e kemi të pamundshëm importin dhe domosdo mund të na imponohet ndonjë mas më radikale.
“Rezerva shtetërore duhet të ketë sasi të mjaftueshme që garanton që nuk ndalet pjesa e prodhimit. Roli i rezervave shtetërore duhet të kujdesën që të mos ketë mungesë të sasisë që të ndalet edhe aktiviteti i ekonomik”, tha Rukiqi.
Ekonomisti po ashtu tha se kompanitë shqiptare ditët e fundit kanë vendosur që të mos shesin naftë.
“Kjo çfarë po ndodh është informatë nga tregu që disa kompani tonat kanë shkuar në Shqipëri të negociojnë, mirëpo kompanitë shqiptare që kanë rafineri dhe që kanë deponi ku furnizohen shumica e kompanive tona, ditët e fundit ata kanë vendosur që të mos shesin sepse janë duke parë situatën si do të lëvizë nga kjo javë në tjetrën”, ka thënë Rukiqi.
Rukiqi tha se “roli institucional është që të përgatitën për çdo skenar të mundshëm”. /teve1.info/
