Një takim i nivelit të lartë u zhvillua sot në Doha midis sekretarit amerikan dhe udhëheqësit të Katarit, duke nënvizuar partneritetin e vazhdueshëm strategjik midis dy kombeve dhe rolin kyç të Katarit në diplomacinë rajonale.
Gjatë vizitës, përfaqësuesi i SHBA-së u takua me Emirin e Katarit, Sheikh Tamim bin Hamad Al Thani, dhe Kryeministrin dhe Ministrin e Jashtëm, Sheikh Mohammed bin Abdulrahman Al Thani.
“U takova sot në Doha me Emirin e Katarit, Sheikh Tamimbin Hamad, dhe Kryeministrin dhe Ministrin e Jashtëm MBA Al Thani”, ka shkruar Rubio në një postim në rrjetin social X.
“Ne riafirmuam partneritetin e qëndrueshëm të sigurisë SHBA-Katar dhe angazhimin tonë të përbashkët për një rajon më të sigurt dhe më të qëndrueshëm.”
Sekretari amerikan shprehu gjithashtu vlerësim për rolin e Katarit në përpjekjet e ndërmjetësimit që synojnë përfundimin e luftës së Izraelit në Gaza.
“E falënderova atë për përpjekjet e vazhdueshme të ndërmjetësimit të Katarit për të arritur një marrëveshje paqeje midis Izraelit dhe Hamasit dhe për të sjellë pengjet në shtëpi”, shtoi ai.
Katari ka luajtur një rol qendror në ndërmjetësimin e armëpushimeve dhe lehtësimin e aksesit humanitar në Rripin e Gazës, si dhe në negociatat rreth lirimit të pengjeve.
Met with Qatari Amir Sheikh @TamimbinHamad and Prime Minister and Foreign Minister @MBA_AlThani_ in Doha today. We reaffirmed the enduring U.S.-Qatar security partnership and our shared commitment to a safer, more stable region. I thanked him for Qatar’s ongoing mediation efforts… pic.twitter.com/GUTmi2SZvK
— Secretary Marco Rubio (@SecRubio) September 16, 2025
