Sulmuesi i Kombëtares së Shqipërisë, Mirlind Daku ka gjasa të mëdha të largohet nga Rubin Kazani në afatin kalimtar të janarit.
Në fakt, interesim për shërbimet e Dakut, thuhet se tashmë ka shfaqur skuadra tjetër nga Rusia, Krasnodari.
Thuhet se duke parë interesimin e madh të Krasnodarit për Dakun, te Rubin Kazani tashmë kanë caktuar çmimin për sulmuesin 26-vjeçar.
Për ta lënë të lirë Dakun në janar, Rubin Kazani po kërkon hiq më pak se 10 milionë euro për kartonin e sulmuesit.
Daku verën e shkuar iu bashkua Rubin Kazanit nga Osijeku i Kroacisë për 1.2 milionë euro dhe në sezonin e tij të parë në Rusi ka treguar formë të mirë.
Këtë sezon, Daku ka shënuar 5 gola dhe ka bërë 3 asistime në 7 ndeshje kampionale, ndërsa me Rubin Kazanin ka kontratë deri në verën e vitit 2026.
Ai, gjithashtu ka edhe 6 paraqitje dhe 1 gol të shënuar me fanellën e Kombëtares së Shqipërisë.