Radiotelevizioni i Kosvoës ka dënuar aksionin e Sekretarit Organizativ t PSD-së, Nol Nushi, i cili ka hyrë në studion e këtij mediumi gjatë transmetimit të drejtpërdrejt të lajmeve qendrore, duke mbajtur në duar një pankartë ku shkruante “Radio Televizioni i Kurtit”.
Menaxhmenti kanë bërë të ditur se Nol Nushi ka hyrë pa autorizim në studio, teksa atë e kishte lënë të hynte sigurimi, duke menduar se mund të ketë qenë i ftuar.
“Akte të tilla janë të papranueshme dhe përçojnë mesazh të kundërt me vlerat që prezanton transmetuesi publik. RTK e respekton të drejtën e secilit për të shprehur kundërshti ndaj proceseve, por njëkohësisht kërkon që kjo të bëhet brenda suazave normale të protestës dhe jo të pengoj procesin e rregullt të punës”, thuhet në reagimin e menaxhmentit të RTK-së.
Teksa RTK tutje shton se “ka hequr dyert e dyfishta me idenë që të jetë më afër qytetarëve, por jo që kjo të keqpërdoret dhe të pengoj procesin e punës”.
