Pozicioni i partive opozitare ndaj zhvillimeve të veri dhe përpjekjeve të Qeverisë së Kosovës për shtrirje të sovranitetit në atë pjesë, e ka dëmtuar Kosovën.
Kështu ka thënë deputeti i Lëvizjes Vetëvendosje, Adnan Rrustemi. Sipas tij pozicioni i tyre është për të ardhur keq.
“Pozicioni i opozitës është për të ardhur keq, është kontradiktor i paqartë dhe i dëmshëm për pozicionin e Kosovës dhe interesat e shtetit. Opozita duhet të mbështesë institucionet e Kosovës në zbatimin e ligjit dhe Kushtetues. Ky nuk është një veprim që do duhej të përçante pozitën dhe opozitën”, ka thënë Rrustemi.
Ai në emisionin “ResPublika” në Tëvë 1 ka thënë se partitë opozitare me qëndrimin e tyre e kanë dëmtuar edhe pozicionin e Kosovës në procesin e dialogut.
“Qëndrimi i opozitës e ka dëmtuar pozicionin e Kosovës, në raportim me Serbinë që ndërlidhet më dialogun dhe e ka dobësuar edhe vetë pozicionin e autoriteteve publike që e kanë për detyrë zbatimin e ligjit. Nuk munden paritë politike dhe kjo është e pazakontë në vendin tonë të thonë heqë dorë nga zbatimi i ligjit, suspendo shtetin e Kosovës në katër komunat në territorin tuaj, për shkak të stabilitetit”, ka thënë Rrustemi.
Opozita ka kritikuar Qeverinë e Kosovës për moskoordinim për veprime në veri duke e akuzuar se po dëmton raportet me aleatët.
