Adnan Rrustemi nga LVV-ja ka deklaruar se Kuvendi më shumë i përket opozitës se sa mazhorancës.
Rrustemi ka kritikuar partitë opozitare për mos votimin e tyre, duke thënë se ata privojnë vetën nga mundësitë parlamentare, që sipas tij duke mos e konstituuar Kuvendin.
Sipas Rrustemit, nëse nuk arrin të formohet Kuvendi, Kosova do të shkojë në zgjedhje të reja.
Madje, ai thotë se disa deputetë nuk ndihen mirë për gjendjen e krijuar në Kuvend nga drejtuesit e partive të tyre opozitare.
“Tema duhet të jetë që deputetët t’i kthehen funksionit të tyre, ta pranojnë mandatin e tyre sepse kanë një lloj sjellje sikur ata nuk janë rahat me mandatin e tyre, po e refuzojnë me e vesh vetën me përgjegjësit e deputetit. Kuvendi më shumë i përket opozitës se sa mazhorancës dhe ata po e privojnë vetën nga mundësitë parlamentare për me kritikua Qeverinë ose me i kërkua llogaridhënie me e mbajte përgjegjëse duke mos e konstituuar Kuvendin. Politika e ka dinamikën e saj përbrenda dhe unë jam i bindur që në momentin kur konstituohet Kuvendi ne do të ndërtojmë relacione dhe do të zgjidhet Qeveria Kurti 3, por nëse nuk arrihen hipotetike atëherë vendi shkon në zgjedhje nuk mbahet peng. Deputetët po i ikin përgjegjësisë së tyre, unë besoj shumë që ka deputet të kësaj legjislature të cilët nuk ndihen mirë me këtë pozicion të opozitës, nuk ndihen mirë shpeshherë me drejtuesit e partive të tyre opozitare dhe janë të gatshëm në kontribuojnë në konstituimin e Kuvendit”, ka deklaruar Rrustemi në emisionin “Ditari” në tëvë1.
Ndërsa, sa i përket votave, deputeti shprehet se LVV-ja nuk ka pasur nevojë për votat e Listës Serbe, pasi mazhoranca e ka refuzuar kategorikisht dhe angazhohet ta eliminojë në ndikimin e saj politik.
“Deputetët e VV-së mund të mos ndihen mirë për shkak se s’po arrijnë të konstituojnë Kuvendin, por ata s’kanë asnjë arsye të ndihen keq që po e bllokojnë sepse po marrin pjesë në seancë, po votojnë propozimin e kryesuesit për komision, e kanë votuar verifikimin e mandateve. Nuk kam parë në ndonjë vend demokratik këtë se është duke e bërë opozita. LVV-ja nuk ka pasur asnjëherë nevojë për votat e Listës Serbe dhe e ka refuzuar kategorikisht dhe angazhohet ta eliminojë në ndikimin e saj politik”, ka theksuar ai tutje./teve1.info/
