Deputeti i LVV, Adnan Rrustemi ka deklaruar se miratimi i buxhetit për vitin e ardhshëm në seancën e djeshme ka qenë plotësisht i ligjshëm dhe i bazuar në Kushtetutë.
I ftuar në emisionin “Mesditë” në Tëvë1, ai theksoi se Kuvendi ishte i konstituuar, funksional dhe pa asnjë kufizim ligjor për të marrë vendime të tilla.
Sipas tij, duke marrë parasysh rrethanat politike dhe bllokadën 8-muajshe për konstituimin e Kuvendit dhe krijimin e Qeverisë Kurti 3, votimi i buxhetit nuk ka qenë vetëm një mundësi e jashtëzakonshme, por edhe një domosdoshmëri.
“Dje pa asnjë dyshim ka pasur hapësira ligjore dhe kushtetuese që Kuvendi i Kosovës ta miratojë buxhetin për vitin e ardhshëm, Kuvendi dje ka qenë i koonsituar, i kompletuar, i ligjshëm ka qenë legjitim ka qenë kushtetues nuk ka pasur asnjë kufizim. Marrë parasysh rrethanat dhe marrë parasysh bllokadën 8 muajshe për të konstituar Kuvendin dhe për të krijuar Qeverinë Kurti 3, dje ishte mundësia jo vetëm e jashtëzakonshme por ishte e domosdoshme që të miratohet buxheti”, ka deklaruar Rrustemi në emisionin “Mesditë” në Tëvë1./teve1.info/.
