Që nga dita e djeshme, disa prej rrugëve në veri të vendit kanë mbetur të bllokuara nga mjetet e renda që janë vendosur nga serbët lokal.
Për bllokimin e rrugëve është përdorur edhe një mjet që është donacion nga Bashkimi Evropian.
Kjo nuk është hera e parë që ky mjet përdoret për këso qëllime.
Ndërkohë , Policia e Kosovës, forcat e KFOR-it, EULEX-it, edhe karabinieret italian po monitorojnë situatën nga afër. Ata po garantojnë siguri për qytetarët e pjesës veriore të vendit.
Me këtë situatë i shqetësuar po shprehet, analisti politik, Branislav Krstiq i cili jeton dhe vepron në Mitrovicën e Veriut.
Ai i bënë thirrje Kryeministrit Kurti dhe Presidenti serb, Aleksandar Vuçiq, që të jenë më të arsyeshëm.
Sipas tij në këto situata janë qytetarët e thjeshtë ata që mund ta pësojnë.
Krstiq beson se serbët dhe shqiptarët po bëhen viktima të politikanëve.
Kronika e realizuar nga Shpat Blakqori
