Autori: Jona Kelmendi
Një gropë e hapur, në mes të kthesës së ngushtë, po e bën të rrezikshëm kalimin në rrugën “Njësiti Buna”, në fshatin Besi të Prishtinës.
Kjo meqë banorët e fshatit thonë se një ndërhyrje nga Kompania Rajonale e Ujësjellësit “Prishtina” e la rrugën në këtë gjendje.
Banorët thonë se dëmtimi i rrugës po përsëritet, për shkak të shtypjes së ujit dhe intervenimeve të shpeshta nga ujësjellësi.
“Shtypja e ujit kur po lëshohet, pompat nuk po munden me duru shtypjen edhe po demtohet rruga, këtu kompania e ka ndreq para dy tri dite tash është hap gropë e madhe, kerret po vinë me shpejtësi këtu është bërryl i madh”, u shpreh një nga banorët.
E ky nuk ishte banori i vetëm që ankesat e tij i ndau me televizionin.
“E kanë prish udhën këtu, secili kerr që po vjen po i duhet me dal anej, dikush këtu ka me u myt e kush e ka atë fat nuk e di. Është edhe problemi i fëmijëve ja duhet me i përcjell vet ja mos me i qu në shkollë hiç”, ka thënë banori tjetër.
“Siç pe shihni edhe vet gropa ka mbet e hapur, rruga edhe ashtu është shumë e ngusht edhe e rrezikshme, këtu është një kthesë jashtëzakonisht e madhe edhe është rrit rreziku edhe shumëfish më shumë për shkak të kësaj grope që u shkaktu këtu”, ka thënë edhe një banorë tjetër.
Nga KRU Prishtina i thanë televizionit se rregullimi i gropave nuk është përgjegjësi e tyre.
“Riparimi i gropave realizohet nga NPB, me të cilën kemi kontratë për sanimin e gropave pas intervenimeve tona. Ju lutemi t’i drejtoheni NPB-së për veprimet e mëtejme.”,ka thënë Mjeku.
Tëvë1 gjatë ditës ka tentuar të marrë një përgjigje edhe nga Ndërmarrja Publike Banesore, por të njëjtit nuk kanë qenë të qasshëm.
E përderisa përgjegjësinë për sanimin e rrugës nuk e merr askush, banorët e këtushëm do të vazhdojnë të përballen me rrugën dëmtuar.
