Kosova nuk ka asnjë rast të regjistruar me virusin që shpërtheu në Kinë i njohur si Metapneumovirus HPV.
Shteti ka bërë të gjitha përgatitjet, në rast të paraqitjes së rasteve.
Por, ministri i shëndetësisë, Arben Vitia ka thënë që nuk ka nevojë për panik nga ana e qytetarëve.
“Ministria e Shëndetësisë është në kontakte të vazhdueshme me të gjitha mekanizmat më adekuat që ekzistojnë sot nëpër botë sa i përket këtyre problemeve sidomos kur jemi të sëmundjet infektive ngjitëse dhe jemi në kontakt me OBSH dhe çdo institucion tjetër të rëndësishëm të kësaj natyre”, u shpreh Vitia
Të njëjtën gjë e tha për Tëvë1 edhe specialisti i mjekësisë familjare, Rushit Ismajli.
Sipas tij, qytetarët duhet të marrin me qetësi.
“Çfarëdo që të jetë ky virusi i ri që tashmë po flitet për të prapë se prapë është virus kështu që ajo që do t’i kisha thënë shikuesve është që të mos alarmohen ta marrin me qetësi dhe kjo situatë është prapë kalimtare si çdo situatë tjetër, kurse ajo çfarë ne këshillojmë janë masat mbrojtëse të përgjithshme”, tha Ismajli.
Ndërsa ditëve të fundit, janë shtuar rastet e qytetarëve me gripin sezonal, grip ky që mund të zgjasë për disa muaj.
“Kam pasur numër të shtuar të pacientëve të cilët kanë kollitje, temperaturë, shkuarje të hundës, lodhje, plogështi, janë simptoma të cilat të jep çdo virus edhe kur kemi pasur raste të viruseve të zakonshëm që i quajmë rinovirus sepse prek hundën dhe rrugët … ose edhe me influencën ose COVID-in”, tha ai.
Sa i përket Gripit Sezonal, IKSHPK vazhdimisht bënë thirrje qytetarëve që të vaksinohen.
Për këtë sezonë të gripit, janë siguruar 85 mije doza të vaksinës.
Edhe nga Organizata Botërore e Shëndetësisë kanë thënë që ky virus nuk paraqet rrezik të madh.
