Sipas rasteve të raportimit në polici, kartëmonedha e falsifikuar e cila po qarkullon më së shumti në treg është ajo 100 euro, shkruan teve1.info.
Në raportin 24 orësh të Policisë së Kosovës thuhet se janë raportuar shtatë raste të falsifikimit të parasë, gjashtë raste në Prishtinë dhe një në Ferizaj ndërsa bëhet e ditur se policia ka sekuestruar monedhat e dyshuara për procedurë hetimore.
“Prishtinë 03 – 05.04.2022- Gjashtë raste të ndara janë raportuar për falsifikim parash, në kartëmonedha dhe monedha në vlera të ndryshme, të cilat dyshohet të jenë të falsifikuara. Njësiti policor kanë sekuestruar monedhat e dyshuara si të falsifikuara për procedura hetimore, ndërsa rasti vazhdon të hetohet nga njësitë relevante”, thuhet në raportin e policisë.
“Rr. Dëshmorët e Kombit, Ferizaj, 05.04.2022-16:50. Ankuesi mashkull kosovar ka njoftuar se ka pranuar në monedhë prej 100 euro e cila dyshohet te jetë e falsifikuar. Monedha e dyshuar është konfiskuar nga forenzika për procedurë hetimore”, thuhet më tej në raport.
