Numri i të vdekurve në Turqi dhe Siri u rrit në tetë pas një tërmet të ri dhe të fuqishëm që goditi të hënën, dy javë pasi një tërmet shkatërrues vrau afro 45,000 njerëz, thanë autoritetet dhe media të martën.
Autoriteti i menaxhimit të fatkeqësive në Turqi tha se gjashtë persona u vranë dhe 294 të tjerë u plagosën me 18 në gjendje kritike pas tërmetit të së hënës me magnitudë 6.4. Ndërsa në Siri, një grua dhe një vajzë vdiqën si pasojë e panikut gjatë tërmetit në provincat Hama dhe Tartus, thanë mediat pro-qeveritare.
Epiqendra e tërmetit ishte në qytetin Defne, në provincën Hatay të Turqisë, e cila kufizohet me Sirinë. Ai u ndje gjithashtu në Jordani, Qipro, Izrael, Liban dhe deri në Egjipt, dhe u pasua nga një tërmet i dytë me magnitudë 5.8 ballë dhe dhjetëra pasgoditje.
EMSC ka bërë të ditur se ky tërmet kishte magnitudë 6.4 shkallë të Rihterit dhe me thellësi dy km (1.2 milje). Lokacioni i saktë është 10 km në veri të Latakias së Sirisë dhe 14 km në juglindje të Antakias së Turqisë./AP
