Një mjet ndërtimi vinç është rrëzuar në lagjen “Arbëria” në Prishtinë.
Një punëtor është lënduar i cili po merr trajtim në Emergjencen QKUK-së.
Doktoresha në Emergjencë, Dafina Basholli tha për teve1.info se pacinetit po i bëhen ekzaminimet radiologjike.
“Jemi duke realizuar ekzaminimet radiologjike, për momentin situata e tij është stabile. Pas ekzaminimeve do të shohim”, tha ajo.
Zëdhënësi i Policisë së Kosovës për kryeqytetin Enis Pllana ka thënë për teve1.info, se njësitet relevante janë duke u marrë me sqarimin e plotë të rrethanave të rastit
“Sot rreth orës 10:00 kemi pranuar informatën se një person është lënduar deri sa ishte duke punuar në rrugën “Bashkim Fehmiu” në Prishtinë. Njësitet policore kanë dalë menjëherë në vendin e ngjarjes kurse personi i lënduar është dërguar për tretman mjekësor. Aktualisht njësitet relevante janë duke u marrë me sqarimin e plotë të rrethanave të rastit”, ka thënë Pllana.
