Një shqiptar ka humbur jetën pasi aeroplan i drejtuar nga ai dhe një shtetas italian, u përplas në një fushë në Romagna të Italisë.
Mediat e huaja raportojnë se viktimat janë një 32 vjeçar shqiptar dhe një 65-vjeçar italian.
“Nga informacionet e para, avioni ishte nisur nga fusha ajrore e Villafranca për një mësim në një kurs për pilotët rekreativë. Ndërhyrja e 118 ishte e kotë” , thuhet në artikull.
Zjarrfikësit kanë ndërhyrë menjëherë në vendngjarje për sigurimin e vendit të ngjarjes, frenimin e rrjedhjes së karburantit dhe nxjerrjen e dy trupave. Të pranishëm kanë qenë edhe karabinierët, të cilët kanë kryer të gjitha konstatimet përkatëse për zbardhjen e asaj që ka ndodhur.
Sipas një dëshmitari okular, aeroplani papritmas bëri dy rrotullime dhe ra në një fushë.
