Mjekë, prindër e pjesëtarë të shoqërisë civile u mblodhën këtë të martë në këtë sallë.
Kjo për të diskutuar për rreziqet shëndetësore dhe nivelin alarm të përdorimit të cigareve elektrike të njohura si Vape,dhe duhanit nga të rinjtë.
Tryeza me temë “Rreziku i Vaping” pranë Shkollave: Nevoja për veprime të përbashkët” nxori në pah dyshim shqetësuese nga komuniteti dhe ekspertët mjekësor për shkallë e lartë të përdorimit të këtyre produkteve nga adoleshentët.
“Në vitin 2021 në Kosovë janë importuar rreth 30 mijë euro cigare elektronike apo vape. Ndërsa menjëherë në vitin 2022 ky numër është rritur në 2.60 milionë. Shifrat kanë vazhduar të rriten edhe në vitin 2023 dhe në vitin 2024, por shifra zyrtare nuk kemi”, ka thënë Spahiju.
Edhe nga Instituti Kombëtar i Shëndetësisë Publike ngritën alarmin për përdorimin e cigareve elektronike dhe duhanit nga të rinjtë.
“Këto heshtazi po hynë çdo ditë në industrinë tonë, gjepin tonë familjen tonë dhe po e rëndojnë shëndetin tonë. Prandaj si shoqëri duhet të punojmë që të denormalizojmë këtë fenomen pasi në fund të ditës do të këtë efekt në rënien e shëndetit”, është shprehur Hoti.
Profesionistë shëndetësor folën për dëmet që po shkaktojnë përdorimi i nikotinës qoftë përmes vape apo dhe duhanit.
“Janë identifikuar rreth 200 -400 komponent kimike që ndikojnë në mënyra të ndryshme fillimisht në qeliza pastaj në organet e caktuara konkretisht në mushkëri. Statistikat botërore tregojnë që 92% e kancernomave shkaktohen nga komuniteti i duhanprisëve”, ka thënë Skender Bacaj, pulmulog.
“Ne kemi mbi 200 pacientë që i trajtojmë çdo vite që janë me kancer të mushkërive dhe mbi 40 pacientë që janë me kancer të fshikzes urinare dhe një numër të caktuar me kancer të lukthi. E faktor kryesor sidomos të këto të mushkërive janë nga duhani”, ka thënë Ilri Kurtishi onkolog.
E për këtë u kërkua një fushatë ndërgjegjësim në media dhe monitorim të pikave të shitjes pranë shkolla.
“Ma nuk ka televizion, bile nuk ka as youtube, por janë veç dy kanale pra instagrami dhe tiktoki ku fëmijët i marrin të gjitha informata se ku mund të blihen… këtu është trageti jonë si ojq, që të shikohen mundësit ligjore se si të ndalohen reklamimi i tyre në media sociale në tiktok… “, ka thënë Lila.
Sipas statistikave të prezantuara gjatë kësaj tryeze rreth 150 milionë euro të qytetarëve në vitet e fundit janë shpenzuar për blerjen e duhanit dhe zëvendësuesit e përpunuar të duhanit.
