Pas njoftimit të Institutit Hidrometeorologjik të Kosovës për reshje të mëdha shiu gjatë datave 18 dhe 19 nëntor, Komuna e Prishtinës ka paralajmëruar qytetarët për rrezik të vërshimeve të shpejta.
Sipas komunës, reshjet intensive mund të shkaktojnë rritje të nivelit të ujërave në disa zona të kryeqytetit, duke ndikuar në qarkullimin dhe sigurinë publike.
“Ekipet e terrenit janë në gjendje gatishmërie dhe po monitorojnë situatën në vazhdimësi,” thuhet në njoftimin e komunës, e cila u bën thirrje qytetarëve:
• të kenë kujdes gjatë qarkullimit,
• të shmangin zonat me rrezik vërshimesh,
• dhe të raportojnë çdo situatë të pazakontë në numrat emergjentë.
