Pasi që aplikimi përfundon sot, Kryeziu ka theksuar mbrëmë në “Info Nata” në Tëvë 1, se Ministria e Financave do të dalë sot me një njoftim për të gjithë ata që kanë aplikuar.
“Aplikimi përfundon nesër. Deri sot në mëngjes janë diç më pak se 300 mijë aplikues. Komisioni përkatës është themeluar dhe ka filluar shqyrtimin e aplikimeve dhe meqë përfundon nesër aplikimi, Ministria e Financave nesër do të dalë me një njoftim për të gjithë ata që kanë aplikuar. Dhe unë e di që është përkushtim dhe angazhim i Komisionit përkatës që sa më shpejt të bëhet verifikimi i aplikimeve duke pasë parasysh potencialin se aty mund të ketë edhe aplikime të cilat nuk janë të përshatshme për thirrjen, por mund të ketë edhe raste kur ka aplikime nga i njëjti person”, ka deklaruar Kryeziu.
Ai ka shtuar se është shumë e rëndësishme që të bëhet verifikimi i aplikimeve, në mënyrë që ekzekutimi të bëhet sa më parë. /Teve1.info/
