Vëllaun e tij, e njeh vetëm përmes fotografisë.
Për Rinasin ai ka dëgjuar shume nga prindërit, por për të ishte e çuditshme se pse mbante emrin e vëllait të tij.
21-vjeçar tani thotë se vetëm kur ishte 7 vjecar e ka kuptuar se vëllai i tij kishte vdekur gjatë luftës se fundit në Kosovë.
E historia e rëndë e vëllait të tij, ka bërë që Rinasi që lindi pas mbarimit të luftës, të bëhet një djalë shembull për prindërit.
Rinasi për herë të parë për Tëvë1, rrëfen për të vellaun.
Përqafimi i Rinasit, është shërim për dhimbjet që ka nëna Lumnije.
Ajo thotë se serbët ia morën Rinasin ne ditet me te bukura te fëmijërisë.
Në 23-vjetorin e bombardimeve të NATO-s kundër caqeve ushtarake e policore të Serbisë, Lumnija i kujton ditët e para të bombardimeve që për të ishin festë.
Historinë e saj mes emocionesh nëna e djalit të vrarë e tregon duke treguar për veprimet që morën me bashkëfshatërë.
“Por vetëm pak ditë pas bombardimeve, të gjithë banorët e fshatit Moisir të Istogut ishin detyruar nga serbët të lëshonin shtëpitë e tyre për të marrë rrugë drejt Shqipërisë”, tha Lumnije Musaj.
Mirëpo, rrugëtim i tyre zgjati vetëm deri në Prizren.
Sepse aty një grup ushtarësh u kthyen prapa në fshat.
Aty në ditën e 6 prillit Lumnija do të perjetonte dhimbjen më të madhe në jeten e saj, humbjen e djalit 5 vjecar.
“Tregon si i kane granatuar ate se bashku me femijet ku ka mbetur i vdekur rinasi”, shtoi ajo.
E për dy ditë trupi i Rinasit kishte mbetur në vendin ku është vrarë.
Lumnija ndonëse e plagosur në të dy kembët së bashku me disa familjarë e kishte varrosur djalin, vjehrrin dhe një nuse të familjes, me nje afat prej nje orësh qe ia kane dhënë serbet.
Merzija po i shtohej edhe më shume pasi nuk dinte për fatin e 3 fëmijëve të tjerë e bashkëshortin.
Por me ta u takua pas 12 ditësh për tu nisur pastaj drejt Shqipërisë.
Lumnija me lotë në sy, thotë se kthimi i saj në shtëpi ishte shume i rëndë.
E varrin e djalit për 6 muaj e kishte në oborr të shtepisë.
Eshtrat e Rinasit, tani prehen në varrezat e fshatit Moisir.
E vetem pak metra larg prej shtëpisë është vendosur nje permendore për tre të vrarët e familjes Musaj.
“E Cfarë ju bëri Rinasi i vogël qe e ndatë nga lojërat fëmijërore” shkruhet në këtë pllakë.
Në fshatin Moisir krejt cfarë ka mbetur si dëshmi nga lufta është ky mur ku shihen hapësirat e granatave.
Raporti i gazetares Arlinda Sejdiu.
