Para 12 vjetësh, kthimin në shtëpi e pati të vështirë.
Kjo pasi Selvete Cakolli nga Prishtina, kuptoi se ishte e prekur nga kanceri i gjirit.
Pasi mori vesh për sëmundjen, fillimisht hallin e vetëm e kishte si t’iu tregonte familjes.
“Kur më kanë tregu mjekt që jom me kancer e kom pas mas vështiri. Ka qenë shumë e vshtirë, shumë, shumë e vështirë. Isha veç vet. E kisha familjen, burrin, fëmijët, por jam ndi shumë ron, m’vike ron atyne me iu tregu”, thotë ajo.
Tutje 56-vjeçarja tregon për hapat që ndërmorri tutje.
“Kisha dhimbje, edhe kirurgët më thanë që duhet mu operu se jom në gjendje të ranë. Me kalimin e kohës, ata më operun, terapinë nuk mujta me përballu, Zoti dashti edhe unë e kalova shumë mirë”, theksoi ajo.
E momenti më i vështirë i saj ishte kur ajo u diagnostifikua për herë të dytë me këtë sëmundje.
Kjo e bëri që ajo të ndihej e pashpresë.
“Kur jom diagnostifiu për herë të dytë u kanë dëshprim, e kom hup shpresën se unë inhere veç e kalova, kurse për të dytin shpresat pak mu shun. Ka sfida, po janë të përballueshme. Kur ki vullnet edhe përkrahjen e familjes janë të përballueshme”, shtoi ajo.
Në fund ajo kishte edhe një mesazh për të gjitha gratë që tashmë janë të prekuara nga kjo sëmundje.
Kronika e realizuar nga gazetarja Valëza Sylejmani.
