Përmes një njoftimi për media nga PK-ja kanë bërë të ditur se rasti ka ndodhur mbrëmë rreth orës 23:40, ku një burrë shqiptar, shtetas i Gjermanisë pas disa mosmarrëveshjeve rrah gruan e tij.
Sipas Policisë, 48-vjeçari ka tentuar edhe t’ia marrë me dhunë dy fëmijët e tyre.
“Mbrëmë, rreth orës 23:40 policia e stacionit në Shtime ka pranuar një informacion se në rrugën ‘Ahmet Shtimja’ në Shtime është një rast i dhunës në familje. Në lidhje me këtë policia menjëherë i ka marr veprimet e nevojshme, ka dalë në vendin e ngjarjes dhe ka arrestuar personin me inicialet B.S, mashkull, shqiptar ,shtetas i Gjermanisë, i moshës 48 vjeçar, i cili pas disa mosmarrëveshjeve të vazhdueshme që kishte me bashkëshorten e saj me inicialet H.S ( F/K) e moshës 37 vjeçare, shkakton dhunë në familje duke tentuar ti marrë me dhunë dy fëmijët e tyre”, thuhet në njoftim.
Nga PK-ja kanë thënë se i dyshuari është dërguar në mbajtje për 48 orë.
“Policia të dyshuarin e ka shoqëruar në stacionin e policisë në Shtime dhe pas intervistimit nga policët hetues, me vendim të Prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa viktima H.S kthehet te prindërit e saj. Rasti është cilësuar ‘Dhunë nê familje’”, thuhet më tej në njoftimin e Policisë. /teve1.info/