Kapiteni i Kosovës, Amir Rrahmani duket se po e luan sezonin e tij të fundit me fanellën e skuadrës së Napolit.
Mediumet në Itali, kanë raportuar të enjten se Rrahmani pritet të largohet në verë pasi Napoli tashmë ka gjetur zëvendësimin e tij.
Bëhet fjalë për italianin 19-vjeçar, Pietro Comuzzo, të cilin Napoli do ta transferoj nga skuadra e Fiorentinës pasi tashmë ka arritur marrëveshje.
Rrahmani 30-vjeçar është pjesë e Napolit prej vitit 2020 dhe ka kontratë deri në vitin 2027, ndërsa me këtë skuadër e ka fituar titullin e kampionit të Italisë.
Te Napoli, Rrahmani është shndërruar në lider dhe është ndër mbrojtësit më të vlerësuar në Serie A, ndërsa këtë sezon në 23 paraqitje në të gjitha garat, ka shënuar 1 gol dhe ka bërë 2 asistime.
Pas largimit nga Napoli, Rrahmani pritet të mbetet në kampionatin italian për shkak se është skuadra e Romës që ka shprehur interesim për transferimin e tij.
