Për të tretën herë brenda këtij sezoni, sulmuesi Albion Rrahmani është përfshirë në ekipin më të mirë të javës në Çeki.
Rrahmani ka zënë vend në 11-shen më të mirë të xhiros së 7-t të kampionatit pasi shkëlqeu në fitoren e Sparta Pragës ndaj Zlinit.
Sparta, të dielën mbrëma triumfoi me rezultatin 3:1, ndërsa Rrahmani shënoi dy gola për ta konfirmuar formën e tij fantastike këtë sezon.
Futbollisti i Kombëtares së Kosovës është vlerësuar me notën 9.8 për paraqitjen ndaj Zlinit, ndërsa në shtatë ndeshje të luajtura në kampionat, ai ka shënuar 5 gola.
Në 13 ndeshje të luajtura deri më tani në të gjitha garat me fanellën e Spartës së Pragës, 25-vjeçari ka realizuar 8 gola.
