Sulmuesi i Kosovës, Albion Rrahmani ka gjasa të mëdha të largohet nga Rapidi i Bukureshtit pas vetëm një sezoni.
E largimin e Rrahmanit në verë nuk e kanë mohuar as nga skuadra e Superligës së Rumanisë. Në fakt, te Rapidi kanë konfirmuar interesimin e skuadrave tjera të Evropës për sulmuesin kosovar, por që nuk i kanë bërë të ditur emrat e tyre.
“Ka interesim për disa lojtarë, jo vetëm për Rrahmanin. Do të shohim se çfarë do të ndodh në verë pasi të gjithë lojtarët janë të fokusuar te objektivat e klubit”, ka thënë njëri prej aksionarëve të Rapidit, Victor Angelescu.
Rrahmani në fillim të këtij sezoni iu bashkua Rapidit nga Ballkani i Suharekës dhe menjëherë ka treguar paraqitje të mira në kampionatin rumun. Për kartonin e Rrahmanit, Rapidi pagoi 600 mijë euro kurse 23-vjeçari ka kontratë deri në vitin 2026.
Në 11 ndeshje të luajtura këtë edicion në Superligën e Rumanisë, Rrahmani ka shënuar 9 gola dhe ka bërë 2 asistime.
