Kapiteni i Kosovës, Amir Rrahmani është shprehur tejet i kënaqur me paraqitjen e tij ndaj Fiorentinas, ndeshje të cilën Napoli e fitoi 2:1.
Në fakt, Rrahmani ishte ndër më të dalluarit në fushë por mbrojtësi kosovar është treguar modeëst në këtë aspekt.
Ai ka insistuar se statistikat e tij personale nuk janë të rëndësishme në krahasim me fitoren e ekipit.
“Prej statistikave duket se kam pasur një paraqitje të mirë edhe pse sulmuesit e Fiorentinas ishin shumë të mirë dhe na vunë në vështirësi. Jam i lumtur me fitoren kurse numrat e mi personal nuk janë të rëndësishëm në krahasim me fitoren e ekipit. Po punojmë që të kemi paraqitje të mirë në secilën ndeshje dhe shpresoj të vazhdojmë me këtë ritëm”, ka thënë ndër të tjera Rrahmani.
31-vjeçari këtë sezon ka shënuar 1 gol dhe ka bërë 2 asistime në 28 paraqitje në Serie A.
