Amir Rrahmani do t’i mungojë skuadrës së Napolit për dy ndeshjet e ardhshme, pasi nuk është rikuperuar ende nga lëndimi, kanë njoftuar të hënën mediumet italiane.
Shkaku i lëndimit që e pësoi në fund të muajit të shkuar në stërvitje me Napolin, Rrahmani nuk do të jetë në dispozicion të trajnerit Antonio Conte kundër Torinos dhe PSV Eindhovenit.
Napoli përballet me Torinon të shtunën në kuadër të kampionatit italian, ndërsa më 22 tetor luan ndaj PSV Eindhovenit në Ligën e Kampionëve.
31-vjeçari këtë sezon ka pasur telashe me lëndimet dhe deri më tani ka regjistruar dy paraqitje në kampionat, duke i munguar Napolit në katër ndeshjet e fundit.
Megjithatë, te Napoli po shpresojnë që Rrahmani të jetë plotësisht gati për derbin kundër Interit në Serie A, duel që luhet më 25 tetor në stadiumin “Diego Armando Maradona”.
