Kapiteni i Kombëtares së Kosovës, Amir Rrahmani ka folur për barazimin 1:1 të Napolit në udhëtim te Udinese, ndeshje kjo e luajtur të dielën mbrëma në kuadër të xhiros së 24-të në Serie A.
Rrahmani ka pranuar se Napoli nuk ishte konkret në këtë përballje, duke shtuar se ekipit të Antonio Contes i ka munguar pasimi final.
Megjithatë, Rrahmani ka insistuar se Napoli në secilën ndeshje futet për të fituar por ka shtuar se asnjë përballje nuk është e lehtë.
“Ne futemi në fushë për ta fituar secilën ndeshje, por ndaj Udineses nuk ishim në gjendje të mbyllim ndeshje, pasi nuk ishim konkretë dhe na mungoj pasimi final. Ne do ta vazhdojmë punën tonë pasi asnjë ndeshje nuk është e lehtë”, ka thënë Rrahmani.
Napoli, aktualisht prinë në Serie A me 55 pikë të mbledhura, 4 më shumë se Interi që renditet i dyti dhe ka një ndeshje më pak të luajtur.
